Hai Sobat Zen Wistalia...
Lama tak jumpa...
pada kangen kagak ya ama Zen,,,hehehehe
Kali ini Zen mo bagiin Tutorial ato cara scan pake hp, kagak perlu scanner lagi...
Karang-karang ini menurut Zen, kita dah perlu bangat dah buat nyecan dokumen-dokumen, maklum dah jaman digital banyakan pesan juga pake WA (WhatsApp), IG (Instagram), FB (FaceBook), dll. jadi kadang kebutuhan kebutuhan dokumen dah kirim adja via wa, ato email, jadi Jarak Jauh kagak perlu repot-repot nyamperin bawa berkas, cukup dikirim berkasnye, beresa dah urusan berkas-pemberkasan...
Kalo pake scanner, dulu, dulu ya yang Zen tau, itu kalo kita scan per sekali scan dua rebuan dah, kalo lima ya sepuluh rebu, dst. mayan kan, kalo kita bisa pake hp, jadi kagak perlu keluarin biaya scan, lumayan dah buat jajan es di Chana Thai Tea (Promo dikit dagangan ade ane sobat, boleh kan? pasti boleh dah, hehehe).
Ok dah, kagak panjang kali lebar kali tinggi, kali malang kali kiwing kali citarum, kali kali ada nyeng traktir makan nasi bebek buat dinner, eh jadi ngomong apa bae dah, efek dah masuk jam makan malem dah kayaknya...hehehe
Langsung dah, tulisan kali ini Zen kasih judul Tutorial Scan Dokumen dengan Ponsel, Tak Perlu Scanner Lagi, Jadi Lebih Hemat (masih efek pandemi covid-19 soalnye)
Alat ama bahan nyeng perlu disiapin ntu :
1. HP Android ada kartunye idup ama ada kuotanye ato HP Androidnye kesambung ama wifi (wifi sapa adja boleh nyeng penting kagak buka youtube ama instagram, olok kuota soalnye ntu mah, ehhh)
2. Dokumen nyeng mo discan
Kalo alat ama bahan nyeng dibutuhin udeh lengkap let's ceck it out (kelinggis-linggisan dikit ahhh)
1. Buka Play Store
2. Cari cam scanner - pilih CamScanner: scan ke PDF, Word, Excel, Foto, gratis
3. Klik Instal - TERIMA - tunggu dah ampe tulisan Buka bisa diklik, sizenye 36,64 MB (masih jauh dari size FREE FIRE apalagi PUBG)
4. Klik Buka buat Buka Aplikasi
5. Geser kiri Selamat datang ke CamScanner
6. Geser kiri Perkuat gambar
7. Geser kiri Keluarkan teks dari gambar
8. Klik Continue kalo mo nyeng premium, kalo nyeng gratis klik tanda silang di pojok kiri atas
9. Klik Daftar masukin nomer hp ato imel sobat - Klik Berikutnya ...
10. Masukin kata sandi nyeng dipengen sobat, nyeng gampang diinget ya, misal jumlah utang, jumlah uban kalo dah ada ubannye, ehhh apa bae dah nyeng penting kagak mudah dilupain ama sobat - Klik Masuk ... tungguin dah ambil nyruput qohwah ...
11. Klik Start with free trial kalo mo nyeng berlangganan nantinye, kalo nyeng gratis klik tanda silang di tengah bawah
12. Klik Start with free trial kalo mo nyeng berlangganan nantinye, kalo nyeng gratis klik tanda silang di tengah bawah
13. Klik Mulai Pemindaian dah, klik gambar kamera di pojok kanan bawah - Foto dah Dokumen nyeng tadi dah disiapin
14. Atur sesuai dokumen nyeng dibutuhin, background ato alas kagak usah diikutin, dicrop adja, ambil dokumennye adje, sekalipun dokumennye miring difotonye nanti bisa lurusan - klik berikutnya di pojok kanan bawah
15. Bener kan ngelurusin dewek... ajaib kan?hehehe
Klik tanda ceklis di pojok kanan bawah
16. Kalo mo nambahin dokumennye, klik gambar kamera di pojok kanan bawah - Foto dah Dokumen nyeng tadi dah disiapin
Atur sesuai dokumen nyeng dibutuhin, background ato alas kagak usah diikutin, dicrop adja, ambil dokumennye adje, sekalipun dokumennye miring difotonye nanti bisa lurusan - klik berikutnya di pojok kanan bawah
Klik tanda ceklis di pojok kanan bawah
Dst. sesuai banyaknya dokumen
Kalo dah, bagiin dah, klik gambar dokumen PDF nyeng ada di kanan atas - klik bagikan
Klik WhatsApp kalo mo dibagiin via WhatsApp - klik dah kontak nyeng mo dikirim dokumen nyeng dah discan
Beres dah urusan... Gampangkan sobat???
Oke. segini dulu ye sobat...
Jangan lupa senggol-senggol sponsor di blog-blog temen Zen Wistalia di Sebelah kanan atas ye...
Hatur nuhun...
Mudah-mudahan bermangfaat ye sobat...
Ikan Hiu Muter-Muter, See you Later...
0 Responses so far.
Posting Komentar